Greedy today :)

Jo kehte hain chaahiye bas ik boond paani
Unhein wo ik boond de do
Baaki samundar ka saara paani mujhe de do

Jo kehte hain chaahiye bas kuchh pal shaanti ke
Unhein wo kuchh palon ki shaanti de do
Zindagi bhar ki muskuraahatein mujhe de do

Jo kehte hain kuchh baatein band honthon se hi hoti hain
Unhein unka ji bhar ke khamoshi de do
Saare meethe bol, saari hansi ki aawaazein mujhe de do

Jo kehte hain chaahiye bas thodi si jagah kisi ke dil mein
Unhein wo thodi si jagah de do
Baaki bachi jagah sab ke dil ki mujhe de do

Jo kehte hain thoda hai thode ki zaroorat hai
Unhein unka 'thoda' de do
Baaki saara jahaan mujhe de do

Jo kehte hain mujhe laalchi,
Unhein kehne do, khush rehne do
Bas jo bhi chaahiye mujhe, har wo cheez mujhe de do